Qeveria holandeze thotë se nuk do të heqë shtetrrethimin, ndërsa trazirat vijojnë në natën e tretë.
Dyqanet në Roterdam dhe qytete të tjera u plaçkitën dhe Ministri i Financave Wopke Hoekstra tha: “Është llumi që po bën këtë”.
Janë bërë më shumë se 180 arrestime. Dhuna është kundërshtuar edhe nga kryeministri i vendit. “Dhuna kriminale duhej të ndalet”, tha Kryeministri Mark Rutte.
Pronarët e dyqaneve në Roterdam, Den Bosch dhe qytete të tjera të martën në mëngjes pastruan mbeturinat nga dhuna e së hënës mbrëma.
Një shtetrrethim natën nga ora 20:00 deri në 04:30 u vendos të shtunën e kaluar për të ndaluar përhapjen e virusit. Kushdo që kapet duke e shkelur atë përballet me gjobë prej 95 €. Ministri i Drejtësisë Ferd Grapperhuis tha se ata nuk do të “kapitullonin para disa idiotëve”. /abcnews.al
