Kryebashkiakët e Francës u kanë kërkuar njerëzve që të mblidhen përpara bashkive të vendit të mërkurën për të denoncuar valën e dhunës që ka tronditur qytetet franceze. Shoqata e Kryetarëve të Bashkive të Francës i bëri thirrje popullsisë që të kthejnë rendin demokratik.
Sindikata theksoi trazirat që po ndodhin që nga 27 qershori kudo në Francë po “shënjestrojnë me dhunë ekstreme simbolet e Republikës, që janë bashkitë, shkollat, bibliotekat, policia bashkiake”.
Trazirat shpërthyen që kur një 17-vjeçar u qëllua për vdekje nga një oficer në periferi të Parisit.
Autoritetet kanë apelur për ndalimin e dhunës, përfshirë edhe familja e të riut që u vra. Të martën, Macron do të takohet me kryetarët e 220 zonave komunale që janë prekur nga dhuna.Rreth 45,000 oficerë u vendosën në të gjithë vendin për të tretën ditë radhazi ndërsa qindra protestues u arrestuan./abcnews.al
