Vendimi i Luksemburgut për të bërë trafikun pa pagesë për të motivuar qytetarët që të përdorin më pak makina për të ulur ndotjen, katër vjet më vonë, nuk ka sjellë rezultatet e pritura. Gazeta “Luxemburger ëort” raporton se të dhënat zyrtare të Ministrisë së Transporteve për transportin e trenave tregojnë se numri i pasagjerëve nuk është rritur, por ka mbetur në një nivel nën pandeminë.
Në Luksemburg, transporti publik, me përjashtim të udhëtimit me tren të klasit të parë, ka qenë falas që nga fundi i shkurtit 2020, kur u shfaqën rastet e para me Covid19 në vend.
Masat e marra si pasojë e pandemisë çuan në një rënie të numrit të pasagjerëve, por pritshmëritë se numri do të rritej ndjeshëm në fund të fundit nuk u përmbushën, kështu që në vitin 2022 numri mbeti nën nivelin e para-pandemisë.
Para futjes së transportit publik falas, numri i pasagjerëve ishte vazhdimisht në rritje, nga 20.7 milionë udhëtime në vitin 2013 në 25 milionë në vitin 2019, por në vitin 2022 numri i pasagjerëve ka rënë në 22 milionë, njofton Ministria e Transportit e Luksemburgut./abcnews.al
