Kreu i PD-së, Sali Berisha shprehu ngushëllimet e tij për vdekjen tragjike të babë e bir, të cilët humbën jetën dje, kur makina me të cilën po udhëtonin u mor para nga rrjedha e ujit të Përroit të Thatë në Bogë të Malësisë së Madhe.
Në një konferencë nga Shkodra, Berisha akuzoi qeverinë për përmbytjet dhe pasojat e saj, një ndër to tragjedia në fëmijën Rushaj.
Kreu i PD-së tha se dënon veprimtarinë e mirëfilltë kriminale të qeverisë e cila për të mbushur xhepat krijoi këtë dramë krejtësisht të parandalueshme në Shkodër.
“Shpreh familjes Rrushaj ngushëllimet e mia më të ndjera, por dënoj me ashpërsi këtë veprimtari të mirëfilltë kriminale të qeverisë e cila për të mbushur xhepat krijoi këtë dramë krejtësisht të parandalueshme në Shkodër”, tha Berisha./abcnews.al/
