Tragjedia në Gjilan, efektivja që ekzekutoi familjen ndoqi 14 seanca te psikologu

schedule17:29 - 19 Shkurt, 2020

schedule17:29 - 19 Shkurt, 2020

Policia e Kosovës ka dhënë detaje të tjera sa i përket gjendjes mendore të Valdete Bllacës, e cila dyshohet se ekzekutoi katër familjarët e saj, babanë, nënën, dy vëllezërit dhe në fud vrau veten.

Policia e Kosovës sqaron se zyrtarja e ndjerë ishte trajtuar në 14 seanca të ndryshme dëgjimore dhe këshilluese nga viti 2016 deri në fund të vitit 2019, ndërsa në klinikën e kontraktuar nga Policia ajo ka mbajtur 6 seanca, ku i është caktuar diagnoza përkatëse dhe i është caktuar terapia adekuate nga komisioni mjekësor përkatës

“Zyrtarja policore V. B., e cila dyshohet se është përfshirë në rast, ka qenë duke punuar në Stacionin Policor të Gjilanit dhe që nga 07.07.2017 (pas rekomandimit të psikologut të Policisë së Kosovës i është marrë arma zyrtare dhe është caktuar në punë të lehta), ky vendim është rikonfirmuar më pas edhe nga klinika përkatëse pas kontrolleve shëndetësore psikologjike të mbajtura me 16.10.2019 për shkaqe shëndetësore, e njëjta ka qenë me detyra të lehtësuara kryesisht me punë administrative, ku bazuar në rekomandimet dhe procedurat e parapara të njëjtës i ishte marrë arma zyrtare”, thuhet në komunikatën e Policisë së Kosovës.

Sipas Policisë, në kuadër të Policisë zyrtarja është trajtuar në 14 seanca të ndryshme dëgjimore dhe këshilluese nga viti 2016 deri në fund të vitit 2019, ndërsa në klinikën e kontraktuar nga Policia ajo ka mbajtur 6 seanca, ku i është caktuar diagnoza përkatëse dhe i është caktuar terapia adekuate nga komisioni mjekësor përkatës.

Trajtimin e fundit psikologjik në klinikë e ka mbajtur me datën 03.10.2019, dhe është rekomanduar lirimi nga detyra, di dhe i eshte marre arma për shkak të gjendjes së saj shëndetësore/psikologjike si dhe i është caktuar terapia përkatëse.