Të paktën 19 persona janë vrarë dhe 14 të tjerë janë plagosur si pasojë e një aksidenti tragjik, pasi një autobus plot me pasagjerë ra në një greminë.
Aksidenti fatal ka ndodhur në Pakistanin Perëndimor.
Another horrific accidents took innocent lives in Pakistan https://t.co/QKewC72Mjz pic.twitter.com/ZoWH0aUIWI
— Saadullah Akhter (@saadiakhter) July 3, 2022
Sipas medieve vendase autobusi u përmbys në një rrugë të rrëshqitshme pranë Dhanisar në provincën Khyber Pakhtunkhwa ndërsa po shkonte për në Quetta nga Rawalpindi.
Autoritete zyrtare thanë se rreth 35 pasagjerë po udhëtonin në autobus, ndërkohë punëtorët e shpëtimit po kërkojnë për të mbijetuar në rrënojat e automjetit të shkatërruar dhe rrethinat.
Sipas informacioneve paraprake autobusi rrëshqiti në rrugën e lagësht mes shiut të dendur dhe shoferi humbi kontrollin e automjetit, i cili ra nga një lartësi rreth 61 metra.
Aksidentet rrugore fatale janë të zakonshme në Pakistan për shkak të infrastrukturës së keqe në vend, automjeteve të vjetra dhe shoferëve të pakujdesshëm.
Në fillim të qershorit, një aksident i ngjashëm ndodhi në Pakistanin jugperëndimor kur një minibus ra në një kanion për shkak të shpejtësisë së madhe, duke vrarë 22 pasagjerë./abcnews.al/
