Tragjedi në Kolumbi, dheu zë poshtë autobusin, të paktën 3 viktima mes tyre në fëmijë

schedule08:58 - 5 Dhjetor, 2022

schedule 08:58 - 5 Dhjetor, 2022

Të paktën tre persona kanë humbur jetën dhe të 20 të tjerë janë zjdukur, si pasojë e rrëshqitjes së dheut në Kolumbinë veriperëndimore, ku është duke u zhvilluar një operacion për të shpëtuar të mbijetuarit, njoftojnë autoritetet.

“Nëntë persona u shpëtuan, tre janë të vdekur dhe vlerësohet se më shumë se 20 persona janë të zhdukur. Kjo është një tragjedi”, tha Presidenti Gustavos Petros përmes Twitter.

Sipas Mbrojtjes Civile rrëshqitja e dheut goditi një zonë të izoluar malore në komunën e Pueblo Rico.

Dhjetëra anëtarë të ekipit të shpëtimit janë në kërkim të pasagjerëve të një motoçiklete dhe një autobusi, të cilët u zunë poshtë kur ndodhi rrëshqitja e dheut.
Mes viktimave është “një e mitur, e cila pasi u shpëtua, u dërgua në spitalin në Pueblo Rico”, por “vdiq para se ambulanca të arrinte atje”, tha zëdhënësi i Mbrojtjes Civile Alexander Mendes për Noticias Caracol news. Vajza e vogël ishte 7 vjeç, sipas autoriteteve.

Autobusi ishte larguar nga qyteti i Cali (në jugperëndim) në orët e hershme të mëngjesit dhe kishte udhëtuar rreth 270 kilometra kur u përmbys përgjatë vargmalit malor të Andeve perëndimore, duke u nisur në drejtim të Kibdo (në veriperëndim), sipas Mbrojtjes Civile.

Që nga fillimi i gushtit, vendi ka qenë në një gjendje “katastrofe kombëtare” për shkak të sezonit më të keq të reshjeve të shiut në dyzet vjet, sipas qeverisë.

Reshjet, rrëshqitjet e dheut dhe përmbytjet vranë 271 njerëz dhe prekën 700,000 të tjerë vitin e kaluar.

/abcnews.al./