11 persona kanë rënë në prangat e policisë italiane për trafik droge nga Shqipëria. Operacioni antidrogë u zhvillua mëngjesin e së martës në Vibo Valentia të Kalabrisë.
Të dyshuarit akuzohen për transportim, posedim dhe shitje të sasive të mëdha të lëndëve narkotike si kokainë, heroinë, marihuanë dhe hashash, si dhe blerjen dhe transferimin e substancave narkotike.
Operacioni u zhvillua nga Njësia Hetimore e Karabinierëve të Vibo Valentia dhe është vazhdim i operacionit të ashtuquajtur “Maestrale-Carthago” me qëllim goditjen e degëve të Ndrangheta në Mileto dhe Zungri.
Ende nuk është bërë e ditur kombësia e të arrestuarve dhe nëse ka shtetas shqiptarë./abcnews.al
