Një tjetër gjyqi i humbur në FIFA nga Tirana, këtë herë me sulmuesin argjentinas Agustin Torassa, i cili është pjesë e Gjilanit në Kosovë.
Torassa kishte shkuar në FIFA dhe pretendimet e tij ishin për një dëmshpërblim që kapte shifrën e 74 mijë eurove.
FIFA ka pranuar pjesërisht kërkesat e futbollistit. “Panorama Sport” shkruan se Tirana duhet t’i kalojë në llogaritë e tij bankare rreth 40 mijë euro.
Një tjetër borxh i ri për kampionët e vendit, që më parë kanë humbur edhe gjyqin me sulmuesin Tim Vayrynen dhe duhet të paguajnë 123 mijë euro. / abcnews.al
