Ardit Toli kërkon largimin nga Tirana. “Xholi” i bardhebluve, sipas Panorama-Sport, pretendon se i ka përfunduar kontrata me kampionët e vendit.
Nga ana tjetër bardheblutë kundërshtojnë me opsionin “+1” në kontratën e futbollistit. Gjithsesi me gjasa FIFA do ta lërë të lirë Tolin, pasi nuk e njeh prej dy vitesh “+1”-shin në kontrata.
Sa i takon zërave të merkatos, Jorgo Meksi, i cili ka mbajtur shiritin e kapitenit te Skënderbeu, mund të mbetet në Superiore.
Burimi i cituar më lart shkruan se në garë për mbrojtësin e krahut të djathtë janë Partizani dhe Laçi, ekipe që e kanë tentuar edhe më parë Meksin, por kontrata me Skënderbeun ka qenë pengesë që ai të ndryshonte ekip. / abcnews.al
