Afrim Tole është një ndër të ftuarit në emisionin “Pressing”. Ish-lojtari i tre skuadrave të kryeqytetit (Tirana, Partizani dhe Dinamo) dhe kombëtares shqiptare, beson se Tirana do ia dalë të shpallet kampione.
“Asgjë e çuditshme nuk do të ndodhë, Tirana do e marrë kampionatin, me Egbo apo pa Egbo. Kukësi? Që këtë javë do të ketë probleme, që në ndeshjen me Laçin. Edhe Flamurtari edhe Gjirokastra kanë lojtarë të rinj, të cilët nuk kanë eksperiencë“, deklaron Tole, i cili thur elozhe për Gresild Likën, 22-vjeçarin që ka shënuar pesë gola këtë sezon në Superiore.
“Te skuadra e Luftëtarit është një lojtar, Gresild Lika. Do të jetë dhjetë herë më i mirë nëse do të luajë te Partizani. Janë lojtarë që të hapin probleme“, thekson Afrim Tole. /abcnews.al
