Moderatorja e njohur e Dance Reality Show “T’ka mami yll”, Ilda Bejleri ka prezantuar për herë të parë publikisht të vëllain e saj, balerin e famshëm, Bledi Bejlerin.
Ajo e ka ftuar mbrëmjen e sotme në spektakël, ku ka treguar dhe lidhjen e fortë që kanë pasur ata si familje me baletin.
Mes shumë emocionesh, Ilda ka treguar se i vëllai e ka lidhur me kërcimin që në fëmijëri dhe i ka mësuar se kjo rrugë është një betejë shumë e vështirë, që duhet të luftosh për t’ia dal mbanë.
“Përpara se të nisim me sfidat e kësaj nate, unë dua të ftoj dikë në skenë. Në fakt është dikush që më ka lidhur mua kërcimin që në fëmijërinë time, sepse çdo sfidë e tij më është dukur se ka qenë dhe sfida ime. Çdo emocion i tij në skenë ka qenë po aq i fortë, vërtetë, e them me gjithë zemër këtë. Ai më ka mësuar se çfarë është baleti dhe se sa e fortë është beteja për t’ia dal mbanë sidomos në këtë profesion të vështirë. Vjen sot si i ftuar special, Bledi Bejleri. T’ka motra yll, t’ka”, tha moderatorja./abcnews.al
