Mbytet një i mitur në ujërat e lumit Drin në afërsi të Luznisë. Viktima është një 17-vjeçar me iniciale E.Z.
Burime bëjnë me dije për abcnews.al se 17-vjeçari dyshohet se ka qenë duke bërë rafting me kajak bashkë me dy shokë dhe ka rënë prej tij në një vend pranë Urës së Telit , ku lumi Drin është i rrëmbyeshëm.
Dy shokët e tij kanë shpëtuar , ndërsa E.Z është gjetur nga disa pushues rreth 5 km më poshtë në fshatin Selane.
Ndërkohë ambulanca dhe grupi hetimor janë nisur drejt vendngjarjes.
Kjo ngjarje tragjike ka ndodhur pak minuta pasi u raportua një 30-vjeçar i mbytur në lumin Vjosë./abcnews.al
