Edy Reja, trajneri i Shqipërisë, ka humbur një tjetër futbollist. Marash Kumbulla, mbrojtësi i talentuar, është larguar nga kombëtarja për shkak dëmtimi.
Zyra e shtypit në FSHF konfirmon mungesën e Marash Kumbullës për dy ndeshjet e UEFA Nations League, për shkak të një dëmtimi. Kështu, mbrojtësi është larguar nga grumbullimi pas marrjes së rezultateve mjekësore, ndërsa programi stërvitor i kombëtares kuqezi do të vijojë normalisht.
Për fat të mirë, Shqipëria ka shumë alternativa në qendër të mbrojtjes. Gjimshiti, Ismajli, Veseli dhe Dermaku janë lojtarët që e mbulojnë këtë pozicion./abcnews.al
