Flota ruse në Detin e Zi ka pësuar një tjetër goditje. Pas fundosjes së anijes ushtarake Moskva, ka ndërruar jetë edhe një nga oficerët më të lartë, kapiteni i anijes luftarake Caesar Kunikov.
La Republica shkruan se sot ka ndërruar jetë kapiteni i anijes ruse “Caesar Kunikov”, Aleksandër Çirva.
Lajmin e ka bërë të ditur në Telegram guvernatori i Sevastopolit, Mikhail Razvozhayev.
Kapiteni i anijes, e cila është pjesë e brigadës së 197-të zbarkuese të Flotës Ruse të Detit të Zi, vdiq nga plagët e marra nga një sulm nga ukrainasit, i cili ndodhi më 24 mars.
“Guximi, profesionalizmi dhe përvoja e tij shpëtuan jetën e anëtarëve të ekuipazhit. Ne do ta kujtojmë gjithmonë heroin tonë”, premton Razvozhayev.
Chirva, ishte kapiten i rangut të tretë.
Ai ka lindur në Sevastopol të Krimesë dhe ka luftuar në 2015 dhe 2016 në Siri./abcnews.al/
