Me “shtatlartin” kamerunas, Andre Onana, të vetmin portier cilësor në radhët e “djajve” të Manchester United, këta të fundit ishin të detyruar të afronin dhe një tjetër “gardian” këtë merkato vere dhe duket se e kanë arritur diçka të tillë.
“Djajtë” e United kanë arritur të sigurojnë shërbimet e portierit turk, Altay Bayindir, nga “gjigandët” turq të Fenerbahce, me këta të fundit që kanë përfituar plot 7 milionë euro nga shitja e kartonit të 25-vjeçarit.
Ndërkaq, përsa i përket kontratës personale, Bayindir ka nënshkruar me “të kuqtë” e Manchester për 4 vitet e ardhshme, deri në vitin 2027, me opsion rinovimi edhe për një tjetër vit, në rast se turku dëshiron të qëndrojë në “Old Trafford”. /i.m /abcnews.al
