Derbi mes Tiranës dhe Dinamos do të luhet ditën e enjte në orën 19:45, në stadiumin “Air Albania”, ndeshje e vlefshme për 1/8 e “Kupës së Shqipërisë”.
Kjo është një sfidë shumë e rëndësishme për të dy skuadrat të cilat kërkojnë kalimin në fazën tjetër, me “blutë” e Bledi Shkëmbit që kanë fituar ndeshjen e parë me rezultatin e pastër 2-0.
“Bardh e blutë”, janë të detyruar të fitojnë dhe të përmbysin rezultatin e ndeshjes së parë për të kaluar në fazën tjetër, dhe për këtë klubi ka kërkuar edhe mbështjetjen e tifozëve.
Drejtuesit kanë nxjerrë në shitje edhe biletat për këtë përballje, si dhe çmimet e tyre, që do blihen në stadiumin “Selman Stërmasi”.
Në tribunën VIP, një biletë kushton 3000 lekë në sektorin W 104, ndërsa në W 102-107 kushtojnë 2000 lekë.
Në tribunat pas porte N bileta kushton 400 lekë, ndërkohë në tribunën përballë E 101-109 kushtojnë 800.
Biletat në tribunën e miqve kushtojnë 400 lekë V 101-103.
/f.a/abcnews.al
