Agjencia Europiane e Mjedisit rendit Tiranën në dhjetë kryeqytetet më të gjelbërta të Europës.
Në listën e kryeqyteteve me mbulimin më të madh urban me pemë në bazë të popullsisë Tirana lë pas Brukselin, Athinën dhe Beogradin.
Ndërkohë renditet e para mes kryeqyteteve të Mesdheut. Kryeqyteti shqiptar sipas Agjencisë Europiane të Mjedisit 48.6% të sipërfaqes e ka të mbuluar me pemë.
Kryetari i Bashkisë Erion Veliaj ka publikuar listën në rrjetet sociale duke e cilësuar super lajm për Tiranën.
“Një arritje e jashtëzakonshme për gjithë punën e bërë në këto vite, me mbjelljen e pemëve të reja, si e vetmja mënyrë për të përmirësuar jetën e fëmijëve dhe të gjithëve. Eshtë edhe një përgjigje për shpotitjet e atyre që, çudi si nuk lodhen së djeguri goma duke ndotur mjedisin në qendër të Tiranës, por mazallah se kapin një lopatë me dorë!”
Listën e kryeqyteteve me mbulimin më të madh urban me pemë në bazë të popullsisë e kryeson Sarajeva.
Pas saj renditen vendet baltike dhe skandinave të cilat nihen për nivelin e lartë të gjelbërimit dhe për shkak të klimës së favorshme./abcnews.al
