Pas shpalljes matematikisht kampionë të Shqipërisë, te Tirana kanë filluar punën edhe për përforcimin e skuadrës për sezonin e ardhshëm.
Drejtuesit kanë menduar të fillojnë gjithçka nga lojtarët që janë në fund të kontratës me bardheblutë për të rinovuar kontratën me ata lojtarë që shikohen nga stafi si pjesë e rëndësishme e ekipit për sezonin e ri.
Në këtë mënyrë kryeqytetasit e Orges Shehit kana filluar me mbrojtjen, pasi sipas asaj që raporton “Panorama Sport”, drejtuesit kanë rinovuar kontratën me Filip Najdovskin. 29-vjeçari në këtë mënyrë ka rinovuar për dy vite kontraën siç bën të ditur burimi në fjalë, teksa pritet vetëm zyrtarizimi.
Najdovski u afrua nga Tirana në vitin 2020 dhe deri tani ka luajtur plot 61 ndeshje me skuadrën bardheblu, ku ka shënuar dhe katër gola. /f.a/abcnews.al
