Luka Modric ka dhënë një prononcim të gjatë për mediat. Mesfushori i Real Madrid është ndalur te dyshja Eden Hazard-Gareth Bale në deklaratën për AFP. Të dy lojtarët ofensivë kanë hasur probleme në sezonin e fundit.
Njëri prej dëmtimeve dhe tjetri prej faktit që nuk bën më pjesë në planet e kampionëve të Spanjës, por nuk pranon opsionin largim. Modric beson fort të cilësia e dy shokëve të skuadrës dhe nuk i kursen këshillat për ta.
“Eden është një djalë i shkëlqyer dhe futbollist i veçantë. Njerëzit presin gjithmonë më të mirën, por ai ka sakrifikuar duke luajtur me dhimbje të mëdha. Tifozëve nuk iu interesojnë problemet e tua, duan të shohin më të mirën kur zbret në fushë.
Ky është shkaku pse kam biseduar me të dhe i kam thënë: ‘Eden, mbase nuk ke pse luan në këto momente. Tento të rikuperohesh plotësisht, sezonin e ardhshëm kemi shumë nevojë për ty dhe duhet të jesh në formë.
Sezoni i parë është për të mësuar sa më shumë, ndërsa në të riun duhet të jesh në 100% të formës, përndryshe gjërat vështirësohen shumë’. Shpresoj që të lërë sa më shpejt pas krahëve problemet fizike dhe të shfaqë kualitetin që zotëron.
Klubi ka shpenzuar shumë për të dhe ne kemi nevojë për Hazardin më të mirë. Bale? Gareth është madhështor. Po flasim për një lojtar realisht të madh, por situata e tij nuk është e thjeshtë. Ai e ka gjithmonë mbështetjen time, por duhet të marrë një vendim për të ardhmen e karrierës.
Ka kaluar një sezon të vështirë, tani duhet të kuptojë se çfarë dëshiron të bëjë dhe çfarë është më e mira për të. Të shohim se çfarë do të ndodhë“, përfundon mesfushori kroat i Real Madrid. /abcnews.al
