Xhokeri është gjetur. Tifozët e Liverpool-it i kanë kërkuar klubit të tyre që të ri-nënshkruajë Luis Suarez si transferim i lirë, sulmuesi veteran do të largohet nga Nacional vetëm disa muaj pasi u kthye në klubin e tij të fëmijërisë.
Suarez, 35 vjeç, u largua nga Atletico në verë dhe u kthye në Uruguai për t’iu bashkuar klubit nga Montevideo, ku filloi karrierën e tij profesionale në vitin 2005.
Suarez ka treguar rezultate të mira që nga kthimi në klub, duke shënuar katër gola dhe duke dhënë tre asistime në tetë ndeshje. Por tashmë dihet se sulmuesi do të largohet nga Nacional kur të përfundojë sezoni uruguaian në fund të tetorit, shkruan abcnews.al.
Presidenti i Nacional, José Fuentes ka konfirmuar se Suarez do të largohet nga klubi muajin e ardhshëm.
“Kur të përfundojë liga uruguaiane, Suarez do të largohet, kjo është ajo që ne ramë dakord me të”, tha Fuentes, sipas ESPN.
“Kjo është ajo për të cilën ne ramë dakord dhe ai bëri një përpjekje të madhe për të ardhur këtu. E them këtë tani për të mos i zhgënjyer fansat. Suarez largohet. E pyetëm dhe ai u përgjigj njësoj si më parë.”
Por është e paqartë nëse uruguaiani do të ishte i gatshëm t’i bashkohej një klubi të ri përpara Kupës së Botës të këtij dimri.
Megjithatë, disa tifozë të Liverpool-it i kanë kërkuar skuadrës së Premierligës që të ri-nënshkruajë sulmuesin, i cili shënoi 82 gola në 133 ndeshje për Reds në një tre vjet të paharrueshëm në Anfield nga 2011 deri në 2014.
Bëhet e ditur se synimi kryesor i Suarez është një paraqitje e suksesshme në Botërorin e Katarit, për të cilin fillimisht dëshironte të qëndronte në Evropë. Turneu për Uruguain fillon më 24 nëntor kundër Koresë së Jugut. Më pas ata do të përballen me Portugalinë më 28 nëntor, përpara se të mbyllin fazën e grupeve kundër Ganës më 2 dhjetor. G.D. /abcnews.al/
