“Thumbon” Florian Marku: Conor Benn, ti përballesh veç me humbës!

“Conor Benn nuk dëshiron të rrezikojë”, ky është mesazhi i qartë i Florian Markut, boksierit shqiptar që prej kohësh kërkon të përballet me britanikun e pamposhtur pas 18 ndeshjesh.

Të fundit Conor e fitoi ndaj Samuel Vargas, që në raundin e parë, dhe ka bërë bujë, pasi kundërshtari u thye me KO teknik pas 80 sekondash. Vargas kishte humbur në 6 duelet e fundit, por nuk pritej që Conor Benn të mundte aq lehtë.

Marku ka reaguar pas fitores së “Shkatërruesit” dhe e uron, por i kujton të njëjtat fjalë që ia ka thënë në sy pas fitores që lushnjari arriti kundër Rylan Charlton.

“Urime për Conor, por siç e kam thënë edhe më parë, nëse lufton me dikë që ka tetë humbje nuk e ka problem të humbasë edhe një tjetër. Ai i ka shmangur të gjithë kundërshtarët në Angli për një arsye”, shkruan Marku në “Twitter”. /abcnews.al

Congratulations to Conor but like I said if you fight someone with 8 losses they don’t care to lose one more time . He has skipped all the domestic opponents for a reason . pic.twitter.com/PFrf5rc5yh

— Florian Marku ? (@FlorianMarku92) April 11, 2021