Familja e yllit argjentinas, Angel Di Maria ka marrë kërcënime me vdekje, pasi ish-lojtari i Real Madridit pranoi se do të dëshironte ta përfundonte karrierën e tij në Rosario Central, klubi me të cilin debutoi në 2005.
Futbollisti 36-vjeçar, i cili aktualisht luan për Benfica, ka marrë kërcënimin në shtëpinë e tij familjare në periferi të Rosarios.
Mediat lokale raportuan se një makinë la një shenjë përpara kompleksit privat Funes Hills Miraflores ku zakonisht qëndron Di Maria, duke e paralajmëruar atë se as guvernatori i provincës Maximiliano Pullaro nuk mund të garantonte sigurinë e tij nëse ai kthehej në qytet.
“Thuaji djalit tënd Angel që të mos kthehet më në Rosario, sepse përndryshe do ta gërvishtim duke vrarë një anëtar të familjes. As Pullaro nuk do të të shpëtojë. Ne nuk hedhim letra të vogla. Ne hedhim plumba dhe njerëz të vdekur”, ishte mesazhi që i lanë babait të Di Marias, sipas ‘Infobae‘, duke cituar burime policore.
Kohët e fundit, qyteti i Rosarios ka përjetuar një rritje intensive të dhunës, për të cilën janë përgjegjës grupet e përshkruara si “narkoterroristë”.
“Ka një angazhim të palëkundur për të luftuar trafikun e drogës ”, deklaroi ministri i Mbrojtjes, Luis Petri, i cili nisi një operacion ku u vendosën trupa dhe mjete të Forcave të Armatosura në Rosario.
Klubi Rosario Central Atletico lëshoi një deklaratë për të hedhur poshtë kërcënimet ndaj Di Maraas.
“Ne ndihemi të dëmtuar, shumë të dëmtuar sepse këto lloj veprimesh të dhunshme sulmojnë drejtpërdrejt ekonominë dhe suksesin sportiv të klubeve. Jo, ata nuk mund të lejohen të friksojnë futbollistët apo sulmojnë ata ose familjet e tyre që janë protagonistët kryesorë të ngjarjeve sportive dhe as nuk mund të lejohet dhuna ndaj ndonjë akteri të familjes së futbollit”, thuhet në deklaratë./ h.ll/abcnews.al
??| NEW: Ángel Di María’s parents and sister have suffered threats from a cartel in Rosario.
The message conveyed was: “Tell your son Ángel not to return to Rosario, because otherwise we will ruin everything by killing a family member. Not even [Santa Fé governor] Pullaro… pic.twitter.com/Sgp7CENniB
— CentreGoals. (@centregoals) March 26, 2024
