Themeluesja e Theranos, Elizabeth Holmes duhet të fillojë të vuajë dënimin e saj me burg, ndërkohë që apelon dënimin për akuzat e mashtrimit të investitorëve në startup-in e saj të dështuar të testimit të gjakut dhe duhet të paguajë 452 milionë dollarë dëmshpërblim për viktimat e krimeve të saj, ka vendosur një gjykatë në San Francisko.
Holmes, e cila u bë e famshme pasi pretendoi se makineritë e Theranos mund të kryenin një sërë testesh diagnostikuese me vetëm disa pika gjaku, u dënua në vitin 2022 me 11 vjet e tre muaj burg.
Ajo i kishte kërkuar gjykatës së nëntë të apelit të qarkut të SHBA që të ndalonte dënimin e saj më 25 prill, dy ditë përpara se të paraqitej në burg. Gjykata e refuzoi kërkesën e saj për lirim me kusht.
Holmes tha se besonte se Theranos mund të revolucionarizonte kujdesin shëndetësor me një teknologji që ajo premtoi se do të ishte në gjendje të skanonte qindra sëmundje dhe probleme të tjera të mundshme me vetëm disa pika gjaku.
Ndërsa ndiqte këtë ambicie, Holmes mblodhi gati 1 miliard dollarë nga një listë investitorësh që përfshinte bashkëthemeluesin e Oracle, Larry Ellison dhe manjatin e medias, Rupert Murdoch.
Ata investitorë të sofistikuar humbën të gjithë paratë e tyre pasi një hetim i Ëall Street Journal dhe rishikimet rregullatore ekspozuan defekte të rrezikshme në teknologjinë e Theranos.
/abcnews.al
