Fushata e gazetës “The Independent” për një referendum të dytë për Brexit ka mbledhur 1 milion firma vetëm në 3 muaj, që prej fillimit të nismës. Kjo është bërë e ditur nga vetë e përditshmja britanike. Gazeta nisi fushatën me 25 korrik duke shpjeguar në një editorial se referendumi I 2016-s “i ka dhënë sovranitet popullit britanik, tani populli ka të drejtë të thotë fjalën e fundit”, edhe për rezultatin e negociatave me Brukselin për divorcin nga BE.
Idea e një referendumi të dytë përjashtohet nga qeveria e Londrës. Ndërsa nga ana tjetër, mundësia që kryeministrja Theresa May të arrijë një marrëveshje me Brukselin dhe që të aprovohet nga parlamenti është shumë e ulët. Gjithashtu për Brexit po rriten dhe protestat në vend. Javën e kaluar në Londër u mblodhën më shumë se 600 mijë persona për të kërkuar një referendum të dytë./ABCNEWS.AL
