Loading ...
Ku ka shkuar sulmuesi më i frikshëm i kampionatit? Mirlind Daku cilësohej si ylli kryesor i Rubinit dhe njëri nga më të mirët e Premier Ligës së Rusisë, por ka kohë që nuk po mundet të shënojë.
Futbollisti I kombëtares shqiptare është në “thatësirë” të tejzgjatur, që vazhdon prej 5 muajsh e nuk dihet se kur do të vazhdojë.
Goli I tij I fundit ishte në 22 nëntor, kur Rubin fitoi 1-0 në shtëpinë e tij ndaj Ahmatit të Groznit, pra ishte vendimtar. Tashmë, janë 11 ndeshje në ligë që Daku nuk e gjen rrugën e rrjetës, ndonëse duhet të theksojmë se sulmuesi shqiptar ka pasur probleme.
Për pesë ndeshje ai ka munguar për shkak dëmtimi, ndërsa në një tjetër ka qenë i pezulluar. Në total, këtë sezon ai ka 9 gola dhe 1 asist për Rubinin duke luajtur 21 herë, ndërsa gjatë karrierës me ekipin në Rusi ka 88 ndeshje, 35 gola dhe 11 asistë./abcnews.al
