Presidenti i Kosovës Hashim Thaçi në rrjetin social “facebook” ka reaguar pas vendimit të Gjykatës Kushtetuese për vlerësimin e kushtetueshmërisë së dekretit për mandatimit e kandidatit për kryeministër Avdullah Hoti.
Thaçi shkruan se e mirëpret vendimin dhe se çdo hap që ka ndërmarrë ishte në përputhje të plotë me Kushtetutën e Kosovës. Ai gjithashtu iu bën thirrje partive për pjekuri politike.
“E mirëpres vendimin e Gjykatës Kushtetuese lidhur me vlerësimin e kushtetutshmërisë së dekretit tim për mandatimin e z. Hoti, kandidat për kryeministër. Kam qenë i bindur se çdo hap që kam ndërmarr ishte në përputhje të plotë me Kushtetutën e Kosovës dhe më vjen mirë që këtë e konfirmoi edhe Gjykata Kushtetuese”, shprehet Thaçi.
Lexo edhe: Kushtetuesja në Kosovë i jep të drejtë Thaçit për dekretimin e Avdullah Hotit
Statusi:
“E mirëpres vendimin e Gjykatës Kushtetuese lidhur me vlerësimin e kushtetutshmërisë së dekretit tim për mandatimin e z. Hoti, kandidat për kryeministër. Kam qenë i bindur se çdo hap që kam ndërmarr ishte në përputhje të plotë me Kushtetutën e Kosovës dhe më vjen mirë që këtë e konfirmoi edhe Gjykata Kushtetuese.
Partitë politike dhe të gjitha institucionet duhet të tregojnë pjekuri politike, respekt dhe përkushtim për rendin, ligjin dhe institucionet e Republikës së Kosovës. Ato duhet t’i respektojnë, pranojnë dhe zbatojnë vendimet e autoritetit përfundimtar për interpretimin e Kushtetutës dhe përputhshmërisë së ligjeve e akteve të tjera me Kushtetutën.
Kosovën e presin shumë sfida përpara, prandaj tash nuk duhet të humbet më kohë për formimin e Qeverisë së re, me legjitimitet të plotë nga Kuvendi i Kosovës/abcnews.al
