Fati i keq po e përndjek mesfushorin turk të Realit të Madridit, Arda Guler. Teksa të gjithë po prisnin debutimin e tij në La Liga në javën e kaluar apo në mesjavë në Champions League, atij do t’i duhet ta shtojë dhe më tej prezantimin zyrtar me fanellën e “los blancos”-ve.
Siç bëjnë me dije mediat spanjolle, e konfirmuar dhe nga trajneri Carlo Ancelotti, Guler ka pësuar një tjetër dëmtim muskulor, që pritet ta mbajë jashtë fushave për të paktën një muaj.
Pasi ka harruar dhimbjen me meniskun e tij, dëshira e madhe për t’u rikthyer dhe për t’u prezantuar para tifozëve të Realit i ka kushtuar më shtrenjtë turkut, i cili ka humbur dhe takimet e Turqisë kundër Gjermanisë dhe Uellsit./ h.ll/abcnews.al
