Mbretëria e Bashkuar ka premtuar 3 milionë paund shtesë (3.64 milionë dollarë) në financim për Helmetat e Bardha për të mbështetur operacionet e shpëtimit dhe ndihmës emergjente në Sirinë veriperëndimore. Britania ka dhënë deri më tani një total prej 3.8 milionë paund (4.62 milionë dollarë) për Helmetat e Bardha pas tërmetit.
“Duke pasur parasysh përmasat e tërmeteve dhe vështirësitë në qasjen në zonat e prekura në veriperëndim të Sirisë, MB do t’u sigurojë Helmetave të Bardha fonde shtesë për të ndihmuar operacionet e tyre kryesore të kërkim-shpëtimit. Mbi 2,500 vullnetarë të Helmetave të Bardha janë të përfshirë në rreth 40 komunitete në Sirinë veriperëndimore”, tha Zyra e Jashtme, Commonwealth dhe Zhvillim e Mbretërisë së Bashkuar.
Financimi i Mbretërisë së Bashkuar do të mbështesë projekte të tilla si “vlerësimi i sigurisë së ndërtesave, rihapja e rrugëve dhe rilidhja e shërbimeve”. “Prioriteti ynë kolektiv tani është të sigurojmë që ndihma për shpëtimin e jetëve t’u jepet atyre që kanë më shumë nevojë. Helmetat e Bardha janë më të mirat për ta ofruar këtë në Sirinë Veri-Perëndimore.”/abcnews.al
