Një shtetas nigerian është proceduar penalisht, pasi tentoi të dilte nga Shqipëria, me dokument identifikimi italian të falsifikuar.
32-vjeçari ka paraqitur në sportelin e Portit të Vlorës, në dalje, letërnjoftim italian me të dhënat e tij, i cili pas ekzaminimit në laborator, rezultoi i falsifikuar.
Letërnjoftimi fals u sekuestrua në cilësinë e provës materiale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme./abcnews.al
