Është cilësuar si ndër veshjet më “in” të sezonit. Për t’u dukur elegante gjatë ditëve të ftohta thjesht ju duhet një pallto me rrip në bel. Çfarëdo që të vishni, një xhup të gjatë, një pallto, një xhaketë, rripi në bel është një aksesor që do të ofrojë ekuilibër të ri.
Të ashtuquajturën ndryshe si “modeli fustan” mund ta kombinoni me një palë çizme të gjata për një pamje magjepsëse, ose për një pamje më të lehtë kombinojeni me një palë këpucë apo thjesht atlete.
Koleksionet sugjerojnë një zgjedhje të larmishme pëlhurash, nga tartani skocez i propozuar nga Dior tek kadifeja e sofistikuar blu nga Armani. Me pak fjalë, modelet e palltove me rrip në bel janë të shumta, pasi është një aksesor që tërheq shumë vëmendje sidomos në dimër. /abcnews.al
