Me Erik ten Hag tashmë si timonier i Manchester United, te djajtë priten ndryshime të mëdha.
Sipas asaj që raporton “Mirror” një revolucion i madh parashikohet për skuadrën angleze, ku disa lojtarë janë me “valixhe” në duar dhe në fund të sezonit me shumë gjasa do të përshëndeten me United.
Nga “Old Trafford” priten të largohen një mal me lojtarë duke filluar që me Paul Pogba, Nemanja Matic, Jesse Lingard, Edinson Cavani, Juan Mata dhe Lee Grant, të cilëve u përfundon kontrata.
Përveç tyre, janë gjashtë lojtarë të tjerë që mund të largohen nga klubi: Aaron wan-Bissaka, Eric Bailly, Phil Jones, Alex Telles, Anthony Martial dhe Marcus Rashford.
E kundërta do të ndodhë me Donny van de Beek, i huazuar te Everton, i cili do të vihet nën urdhrat e Ten Hag. Trajneri holandez ka punuar me mesfushorin tek Ajaxi i Amsterdamit, kështu që i njeh mirë karakteristikat e tij të lojës. /f.a/abcnews.al
