Pas sigurimit të fazës së grupeve të UEFA Champions League, për sezonin e ardhshëm, duket se tekniku i Manchester United i ka “planet” e qarta për të ardhmen, teksa në sezonin e ardhshëm kërkon një skuadër, e cila mund të garantojë një “luftë” të vërtetë për titullin kampion të Premier League.
Për mediat, tekniku hollandez tha se Manchester Untied ka nevojë për një skuadër të fortë dhe klubi duhet të rrisë standartet dhe kërkesat në rast se kërkon të rikthehet në majat e futbollit evropian, ashtu siç ka qenë dikur.
“Kjo është një bazë e mirë për zhvillim të mëtejshëm, por standardet dhe kërkesat duhet të ngrihen. Ne do të punojmë me këtë skuadër gjatë verës, por duhet të përmirësohemi edhe në afatin kalimtar të ardhshëm. Ne duam të luftojmë për titullin, por duhet të duket reale. Është ajo që është.
Ne jemi larg kësaj tani, kështu që ka shumë punë për të bërë, por ne kemi nevojë për lojtarët më të mirë nëse duam të garojmë për vendet më të larta”,- u shpreh tekniku Ten Hag, pas sigurimit të një vendi në fazën e grupeve të Ligës së Kampionëve. /i.m /abcnews.al
