Astronomët që përdorin teleskopin hapësinor James Webb u befasuan kur po vëzhgonin rripin e parë të asteroideve në sistemin diellor.
Webb u fokusua në pluhurin e nxehtë që rrethon Fomalhaut, dhe zbuloi një yll të ri dhe të ndritshëm që ndodhet 25 vite dritë nga Toka në yjësinë Piscis Austrinus. Një ekip shkencëtarësh i përbërë nga astronomë nga Universiteti i Arizonës dhe Laboratori i Propulsionit Jet i NASA-s, pasi studiuan imazhet dhe të dhëna të reja nga Fomalhaut të regjistruara nga James Webb, raportojnë në botimin e tyre në revistën “Nature” se ky sistem është shumë më kompleks nga sa mendonim.
Disku i pluhurit rreth Fomalhaut u zbulua për herë të parë në 1983 duke përdorur Satelitin Astronomik Infra të Kuq të NASA-s. Tani është vërtetuar se aty janë krijuar edhe dy zona të tjera asteroidësh apo “mbeturinash kozmike”, siç e karakterizojnë ekspertët.
Rripat e mëdha të pluhurit të Fomalhaut janë krijuar nga mbeturinat e lëna pas nga përplasjet e trupave më të mëdhenj si asteroidet dhe kometat.
Pluhuri më pas u formua në rripa nga ndikimi gravitacional i planetëve të padukshëm që studiuesit besojnë se po rrotullohen rreth yllit, në të njëjtën mënyrë që Jupiteri dhe Neptuni formojnë rripin tonë asteroid dhe skajin e brendshëm të rripit Kuiper.
/abcnews.al
