“Të shtojmë presionin mbi Rusinë”/ Kancelari Merz: Negociatat do të jenë të komplikuara, duam armëpushim

Kancelari gjerman, Friedrich Merz, bëri thirrje për një armëpushim në Ukrainë para samitit të liderëve, duke kundërshtuar kështu thirrjen e presidentit amerikan, Donald Trump, për të punuar drejt një marrëveshjeje paqeje me Rusinë.

Në takimin me udhëheqës evropianë, Volodymyr Zelensky dhe Donald Trump në Shtëpinë e Bardhë, Merz u shpreh se duhet shtuar presioni mbi Rusinë.

“Rruga është hapur tashmë, por për negociata të komplikuara. Do donim të shihnim një armëpushim. Le të punojmë për këtë dhe le të vendosim presion për Rusinë. Të paktën të arrijmë një armëpushim. Do doja të shihja një armëpushim në takimin e ardhshëm”, theksoi Merz./abcnews.al