Dy persona janë plagosur në Prishtinë rreth orës 20:20. Rasti ka ndodhur në rrugën “Qamil Hoxha”. Të lënduarit janë dërguar për tretman mjekësor. Kështu ka bë rë të ditur Flora Ahmeti, zëdhënëse e policisë për rajonin e Prishtinës.
“Rreth orës 20:20 policia ka marë informatën për të shtëna me armë në rrugën “Qamil Hoxha”, në Prishtinë.
Menjëherë pas marrjes së informatës policia ka dalur në vendin e ngjarjes dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen.
Bazuar në informacionet e para raportohet për dy persona të kënduar, njëri nga ta dyshohet të ketë marrë lëndime nga arma e zjarrit. Personat e lënduar janë dërguar për tretman mjekësor’, ka thënë Ahmeti për Kosovapress.
Hetuesit policor në koordinim me prokurorinë po ndërmarrin veprimet hetimore për ndriçimin e plotë të rastit dhe janë në kërkim të personave të dyshuar të cilët tashmë janë identifikuar nga ana e policisë.
