Të paktën 13 persona kanë mbetur të plagosur mëngjesin e së shtunës pas të shtënave me armë në qendër të qytetit të Austin, Texas, thanë zyrtarët.
Dy nga personat e plagosur janë në gjendje kritike, tha shefi i policisë në Austin Joseph Chacon në një konferencë për shtyp.
Një spital priti 11 nga të plagosurit për trajtim ndërsa një person tjetër u transportua në një spital tjetër. Një i plagosur u dërgua në një institucion të kujdesit urgjent me plagë të shumta me armë zjarri, tha Chacon.
Ende nuk është e qartë se çfarë ka ndodhur ndërsa policia nuk ka dhënë detaje. Aktualisht po shqyrtohen pamjet e kamerave, përfshirë Sistemin e Kamerave të Sigurisë Publike, kamerat e trupit të policisë dhe videon e mbikëqyrjes së biznesit për të përcaktuar se çfarë ka ndodhur. g.v/abcnews.al
