I riu që u dhunua një ditë më parë në zonën e Liqenit Artificial, është ndëshkuar edhe me masë administrative.
Pas videos e cila u bë publike në media, ku punonjësi i policisë G.N. dhunon të riu për shkelje të karantinës, është marrë vendimi për pezullimin e tij nga detyra, i angazhuar pranë Patrullës së Përgjithshme të Komisariatit të Policisë Nr. 2.
Ndërkohë që për tre efektivët e policisë të cilët shfaqen në video nisi hetimi disiplinor
Policia njofton se përveç të riut që u dhunua, është ndëshkuar me masë administrative edhe një tjetër i cili kishte dalë shëtitje bashkë me të.
Mësohet se i riu kishte dalë me biçikletë pranë zonës së Liqenit, së bashku me shokun e tij, por në momentin që po kthehej për në banesë është dhunuar nga uniformat blu. Sipas këtyre të fundit, ndalimi i 15 vjeçarit u bë me pretendimin se kishte kaluar fashën e orarit të caktuar nga qeveria në këtë kohë pandemie.
Siç shihet edhe në fotot e siguruara nga ABC News, 15 vjeçari kishte shenja të dukshme në trup e në fytyrë./abcnews.al
