Familja e saj kishte një sipërmarrje private kështu që Briselda nuk pati dyshime për degën që do të ndiqte në universitet. Financa në fakultetin e Ekonomisë ishte zgjedhja e parë e saj.
Mundësia për punësim të shpejtë është arsyeja që i orienton të rinjtë rreth biznesit, administrimit dhe ligjit. Rreth ¼ e djemve dhe vajzave që mbyllën studimet e larta vitin e shkuar akademik sipas raportit të fundit të Institutit të Statistikave u diplomuan në këto programe studimi.
Por nëse për vajzat fusha e dytë e pëlqyer me rreth 22. 9% e të diplomuarve është shëndeti dhe mirëqenia për djemtë është inxhineria, prodhimi dhe ndërtimi me pothuajse të njejtin numër të rinjsh që mbyllën shkollën e lartë në degë të tilla.
Rreth 27 mijë e 900 studentë mbyllën universitetin e vitin e shkuar akademik dhe rreth 65% e tyre ishin vajza. Gati gjysma e tyre mbyllën ciklin e parë të studimeve dhe 44.6% programet Master./abcnews.al
