Loading ...
Të paktën 200 persona kanë humbur jetën dhe shumë të tjerë janë plagosur pas një sulmi ajror që goditi një treg lokal në shtetin Yobe, në verilindje të Nigeri, gjatë një operacioni ushtarak kundër grupit ekstremist Boko Haram.
Sipas burimeve lokale, sulmi ndodhi në tregun Jili, në zonën Fuchimiram të qeverisjes lokale Geidam, pranë kufirit me shtetin fqinj Borno.
Raportet fillestare njoftojnë se sulmet ajrore kishin në shënjestër anëtarë të Boko Haram, të cilët dyshohet se kishin shkuar në treg për të mbledhur taksa nga tregtarët dhe për të siguruar furnizime.
Megjithatë, numri i lartë i viktimave civile ka ngritur shqetësime serioze për pasojat e operacioneve ushtarake në zonat e populluara, ku shpesh civilët përfshihen në mënyrë tragjike në përplasjet me grupet ekstremiste.
Rajoni verilindor i Nigeri ka qenë prej vitesh një vatër e konfliktit me Boko Haram, duke shkaktuar mijëra viktima dhe zhvendosje masive të popullsisë.
