Real Madrid nuk shkoi më shumë se një barazim pa gola mbrëmjen e djeshme ndaj Real Betis, duke rrezikuar jo pak në garën për titullin në La Liga. Por ky hap fals nuk i dorëzon “Los Blancos” dhe portieri Courtois e tregon qartë këtë në deklaratën pas ndeshjes.
“Real Betis është një ekip shumë i mirë, që zhvillon një sezon pozitiv. Duhet t’i japim merita atyre sepse mbrojnë shumë mirë. Patëm një ndeshje të vështirë, duhej të gjenim një mënurë për të çuar topin te sulmuesit dhe për të provuar portën. Nuk mundëm të shkonim te goli.
Nëse Atletico Madrid dhe Barcelona fitojnë ndeshjet e tyre do të jetë më e komplikuar, por ende mjaft ndeshje dhe duhet të besojmë deri në fund. Të vazhdojmë të luftjmë dhe të kemi besim në atë që bëjmë. Kemi ndeshje të vështirë të martën dhe më pas në La Liga.
Nuk mund të ulim kokën për shkak të këtij barazimi. Ndihem në gjendje të mirë dhe shpresoj të vazhdoj kështu. Kemi pasur shumë ndeshje në pak ditë dhe kjo na e bën të vështirë, por fatmirësisht jemi shumë mirë fizikisht”, u shpreh Courtois. /abcnews.al
