Njerëzit indigjenë Marubo, të cilët jetojnë në kasolle të vogla përgjatë lumit Itui në Amazonë, janë lidhur me internet.
Ata patën akses në internet me shpejtësi të lartë përmes Starlink të Musk-ut dhe komuniteti e përqafoi teknologjinë, të habitur që tani mund të telefononin 911 kur dikush pickohej nga një gjarpër helmues ose të kontaktonte me të afërmit e largët.
Megjithatë, që kur teknikët mbërritën në kamp me antena për të lidhur fisin e largët prej 2000 njerëzve me internetin, ka pasur disa pasoja më pak të dëshirueshme. Kritikët paralajmërojnë se anëtarët e fiseve janë bërë dembelë dhe e kalojnë kohën e tyre duke u shtrirë dhe të ngjitur në telefonat e tyre gjatë gjithë ditës për të komunikuar.
Përveç kësaj, tashmë ka pasur raporte të të rinjve që bëhen seksualisht agresivë pasi zbuluan pornografinë, tha për New York Times, Alfredo Marubo, udhëheqës i Shoqatës së Banorëve të Marubo.
Alfredo paralajmëroi se anëtarët e fisit kanë ndaluar së foluri me familjet e tyre që kur ata patën akses në internet. Plaku i fisit Tsainama Marubo thotë se të gjithë “ishin të lumtur” kur mbërriti interneti, por tani gjërat kanë ndryshuar për keq.
Për shkak të gjithë kësaj, fisi duhej të vendoste rregulla strikte për përdorimin e internetit.
Anëtarët mund të lundrojnë në internet për dy orë në mëngjes dhe pesë orë pasdite, si dhe gjatë gjithë ditës të dielave. /abcnews.al
