Një studim i ri ka zbuluar se inteligjenca luan një rol kyç në të kuptuarin e “humorit të errët”, si dhe disa faktorë të tjerë.
Fakti që ju pëlqen “humori i errët” nuk ju bën njeri të keq, përkundrazi, tregon shumë për karakterin tuaj të përgjithshëm, pavarësisht se studimet e mëparshme pretendonin të kundërtën.
Të dhënat befasuese nga studiuesit e Universitetit Mjekësor të Vjenës në Austri morën rezultatet e 156 pjesëmarrësve të rritur, burra dhe gra. Secilit pjesëmarrës iu kërkua të vlerësonte 12 karikatura me humor të errët nga një karikaturist i famshëm gjerman dhe të ndanin mendimin e tij rreth tyre. Dmth nëse shakatë e tyre ishin interesante dhe të lehta për t’u kuptuar, nëse ishin vulgare etj.
“Humor i errët”, mendje të ndritura
Analizimi i pjesëmarrësve u bë në tre dimensione: niveli i inteligjencës, predispozicioni për “humor të errët” dhe niveli i agresivitetit. Studiuesit zbuluan se ata që ishin më të interesuar për humorin e errët ishin më pak agresivët dhe më inteligjentët, duke zotëruar nivelin më të lartë të edukimit.
Ata me një nivel mesatar të të kuptuarit dhe interesit për filmat vizatimorë u zbulua se kishin nivele mesatare të inteligjencës dhe humor të keq, por ishin gjithashtu mesatarisht agresivë.
Ndërkohë, ata me një nivel të moderuar të të kuptuarit dhe një nivel të ulët interesi për humorin e errët priren të kenë një nivel mesatar inteligjence, por një nivel mjaft të lartë agresioni.
Studiuesit arritën në përfundimin se humori i errët kërkon më shumë “tru” për t’u përpunuar në krahasim me shakatë standarde.
