Të enjten nis rehabilitimi i segmentit rrugor Melgushë-Mjedë

Segmenti rrugor Melgushë – Mjedë ne qarkun e Shkodrës do të nisë të rehabilitohet. Fondet do të lëvrohen nga Banka Botërore në kuadër të projektit të mirëmbajtjes së rrugëve. Ndërkohë, Autoriteti Rrugor Shqiptar dhe Policia e Qarkullimit Rrugor njoftojnë duke filluar nga dita e enjte do të devijohet trafiku me qëllim shmangien e bllokimit të qarkullimit dhe garantimin e mbarëvajtjes së punimeve. Orientimi i drejtuesve të mjeteve do të bëhet nga punonjësit e Autoritetit Rrugor Shqiptar, Policisë së Qarkullimit Rrugor dhe firmave të mirëmbajtjes të cilët do të jenë me njësi të përqëndruara në terren./abcnews.al