Forcat qeveritare talebane këtë të hënë kanë bërë me dije se kanë shkatërruar një qelizë të Shtetit Islamik në veri të Kabulit, pas shpërthimit të një xhamie në kryeqytetin afgan, me viktima dhe të plagosur.
Mediat e huaja bëjnë me dije se grupi lokal i Shtetit Islamik, i njohur si ISIS-Khorasan, tashmë ka marrë përgjegjësinë për sulmet ndaj talebanëve dhe nuk është pajtuar me lëvizjen, e cila pretendoi një fitore gjithëpërfshirëse në gusht kundër qeverisë së mbështetur nga Perëndimi në Kabul.
Zëdhënësi i talebanëve, Zabihullah Mujahideen tha se një njësi speciale e talebanëve kishte kryer një operacion kundër elementëve të ISIS në rrethin e 17 -të të Kabulit, në pjesën veriore të qytetit.
Më herët, mediat lokale raportuan përleshje të rënda në zonë dhe banorët konfirmuan se dëgjuan shpërthime dhe zjarr gjatë natës. Talibanët, të cilët po luftojnë gjithashtu forcat besnike të Ahmad Massoud, një udhëheqës i opozitës në rrethin Pansir në veri të Kabulit, kanë thënë se kanë kontroll pothuajse të plotë të vendit./abcnews.al
