Talebanët i kanë kërkuar Shteteve të Bashkuara që të mbajnë një prani diplomatike në Afganistan pasi të përfundojë tërheqja e trupave të martën, por Uashingtoni ende nuk ka marrë një vendim për këtë çështje, thanë sot zyrtarët amerikanë.
Sipas burimeve të raportuara nga mediat e huaja, udhëheqja e lëvizjes islamike që kontrollon Kabulin që nga mesi i gushtit dëshiron që vendet e tjera të mbajnë hapur ambasadat e tyre pas 31 gushtit. Kjo vlen edhe për ambasadën amerikane.
Amerikanët kanë lënë ambasadën dhe diplomatët e fundit të mbetur në Afganistan pritet të lënë aeroportin e Kabulit së shpejti. Ndërsa trupat largohen përgjithmonë të martën, ata nuk do të jenë më në gjendje të garantojnë sigurinë e diplomatëve nëse Presidenti Joe Biden u kërkon atyre të qëndrojnë në kryeqytetin afgan.
Zyrtarët amerikanë kanë thënë se siguria e diplomatëve mbetet përparësi kryesore për qeverinë. Një vendim mbi këtë çështje mund të shpallet në fillim të javës së ardhshme, disa orë para përfundimit të operacionit të evakuimit.
