Presidenti Vladimir Putin priti sot presidentin sirian Bashar al-Assad në Kremlin pasi ai mbërriti dje në Moskë.
Fokusi i bisedimeve mes të dyve pritej të ishte në rindërtimin e Sirisë pas luftës civile dhe përmirësimin e lidhjeve të vendit me Turqinë.
Rusia ka mbështetur një fushatë ushtarake në Siri që nga viti 2015, duke u bashkuar me Iranin për të lejuar qeverinë e Asadit të luftojë kundër opozitës së armatosur në luftën civile, e cila filloi në vitin 2011 si një kryengritje pro-demokracisë.
Ndërsa Rusia tani ka vendosur pjesën më të madhe të burimeve të saj ushtarake në Ukrainë, Moska ka ruajtur bazën e saj ushtarake në Siri dhe ka mbajtur avionë luftarakë dhe trupa në bazat e saj atje.
Duke përshëndetur presidentin, Putin theksoi “kontributin vendimtar” të ushtrisë ruse për stabilizimin e vendit.
Assad falënderoi gjithashtu Putinin për mbështetjen e sovranitetit dhe integritetit territorial të Sirisë, duke vënë në dukje se mbështetja e Kremlinit ka mbetur e fortë pavarësisht luftimeve në Ukrainë.
Rusia po ndërmjetësonte gjithashtu bisedimet midis Turqisë dhe Sirisë përpara tërmetit që goditi kufirin Turqi-Siri në fillim të shkurtit./abcnews.al
