Tajvani do t’i bashkohet masave për të bllokuar disa banka ruse nga sistemi i pagesave ndërkombëtare SWIFT, sipas një deklarate të kryeministrit Su Tseng-chang.
“Ne dënojmë veprimet e Rusisë për pushtimin e Ukrainës, dhe në bashkëpunim me partnerët tanë demokratikë globalë do të bashkëpunojmë për vendimet e marra kundër bankave ruse,” tha Su.
Për më tepër, Tajvani do të “shqyrtojë” produktet e eksportuara në Rusi në përputhje me Marrëveshjen Wassenaar – e cila rregullon kontrollet e eksportit për armët dhe mallrat dhe teknologjitë, u tha ligjvënësve ministri i çështjeve ekonomike Wang Mei-hua.
Wang tha se tregtia e Tajvanit me Rusinë është minimale, por theksoi se prodhuesit kryesorë tajvanezë të çipave janë zotuar të gjithë të jenë në përputhje me politikat e qeverisë dhe rregulloret përkatëse.
“Ne do të miratojmë masa specifike në kohën e duhur,” tha ajo.
Tajvani përbën më shumë se gjysmën e prodhimit botëror të çipave gjysmëpërçues.
Tajvani dërgoi 27 tonë furnizime mjekësore në Ukrainë të hënën.
/abcnews.al
