Antonio Conte ka kërkuar përforcime dhe drejtuesit e Interit po punojnë për t’i plotësuar dëshirat trajnerit. Emri i momentit është Dries Mertens, i cili po zhvillon sezonin e fundit me Napolin. Kontrata i përfundon në verë dhe në janar mund të vijë transferimi i sulmuesit në Milanon zikaltër.
Lajmet nga Belgjika konfirmojnë interesimin e Interit për 32-vjeçarin dhe Nieuwsblad tregon se tratativat mes klubit dhe lojtarit kanë nisur. Conte e pëlqen shumë, tentoi ta marrë në ekip edhe kur ishte pjesë e Chelsea, por drejtuesit anglezë nuk vepruan për shkak të moshës së tij.
Negociatat janë në rrugë të mbarë dhe pas akordit me lojtarin, Interi do të përgatisë një ofertë për Napolin. Mertens do të gjente tek Interi Romelu Lukakun, me të cilin aktivizohet te Belgjika. /abcnews.al
