Gonzalo Higuain do të vazhdojë karrierën në SHBA. Bomberi argjentinas kishte edhe një vit kontratë me Juventusin, por nuk bënte më pjesë në planet e kampionëve të Italisë. Ditën e djeshme erdhi akordi me drejtuesit e bardhezinjve për të ndërprerë bashkëpunimin.
Inter Miami është e ardhmja e tij, teksa TycSports raporton se “El Pipita” do të firmosë një kontratë deri në dhjetorin e vitit 2022 me klubin e MLS, që ka si president të famshmin David Beckham.
A warm welcome to Gonzalo Higuain, a world class striker and champion.
@G_Higuain pic.twitter.com/29wT86aA2J
— Jorge Mas (@Jorge__Mas) September 11, 2020
32-vjeçari ka zbarkuar në SHBA, aty ku e ka pritur Jorge Mas, një nga 5 pronarët e klubit amerikan. “Një mirëseardhje e ngrohtë për Gonzalo Higuain, një sulmues dhe kampion i klasit botëror“, shkruan Mas në Twitter, aty ku ka postuar një foto me sulmuesin e njohur latin në aeroport. /abcnews.al
